Mooi woorde

Lees nou die dag die stukkie deur Phillip de Vos in Duskant Maandag in Rapport Tydskrif oor sy hond Winnie.

Winnie het in my lewe gekom op 'n warm Desemberdag in 1993 - 'n klein pikswart Staffie wat bo-oor al haar broers en susters geklim het toe ek haar gaan uitsoek het.

In haar jongmeisie-dae het sy gedoen wat alle hondekinders doen.  Gekou. En ek het geleer van haar voorkeure.  Kook en Geniet was een van haar gunstelinge.  Sy het hom aan flardes gekou en toe was dit die Bybel se beurt.  Nadat sy al 66 boeke van Genesis tot Openbaring verorber het, sê my vriend Peter:  "Ja , nou het sy Die Blye Boodskap in haar!"

Madonna se kinderboeke

TT Cloete se mooi woorde

Ek herken jou voetstap in 'n besige straat 

Ek hoor hou stem sonder dat jy praat.

Kyk ek sonder jou, is daar skille

oor my diep oogkasse, ek

kyk sonder pupille.

Ek soek jou omtrek om my getrek,

ek soek jou in die appel van my oog

Kyk ek na die melkweg, in die gras, 

in die water, na die boog

van die aarde, altyd iewers is jy ingepas.

Uit die gedig:  Anna (wat prof TT Cloete vir sy vrou geskryf het)

Mooi woorde

SONVANGER

Kyk of jy vir my die son kan vang
Daar's 'n kamer in die huis waar jy die son kan hang
Dis donker by die venster in die middel van die dag
Onthou jy hoe helder die kamer kan lag?
Bring 'n bietjie lig vir die draaie in my pad
En 'n handjievol strale vir die donker in my hart.


Deur: Valiant Swart

Nog mooi Steve woorde.........

*  Daar is mense wie se asem my laat bewe en ander wie s'n my laat sterf.  Daar is mense wat ek

    lewe gee met myne en ander wie ek daarmee versmoor.

*  My stokperdjie is aktualiteit.  My hart is liefdadigheid. My markplein die blog.  My metodes 

    militant.  En my desibels hemelhoog.

*  Soms hou ek skielik op met praat, of huil in simpel flieks.  Ek's 'n verleentheid vir die alpha 

    male.

*  Ek het Hom al afgeklap, maar daar is nie 'n manier om van Hom ontslae te raak nie.  Hy sit 

    trouens op albei my skouers.  Ek het nie 'n duiwel wat aan die een kant sit nie.

*  Ek lewe 'n baie eensame lewe en die getal mense wat om my is, het niks uit te waai met hoe 

    eensaam ek is nie.  Ek het 'n kamer hierbinne waar ek baie happy is.  So 'n one man band.

*  Dag 4 na my operasie het ek konsert gehou in Saal 6.  Ou mense, gebroke mense, seer mense 

    en kinders het met hul binneaarse voeding in die gange afgestap gekom.  Een tannie het 

    stadig om die draai gekom met:  Is that Roger Whitaker?  I thought I'd died and gone to 

    heaven. 

    Uit onderhoud met Sarie:   September 2008

Steve Hofmeyr se mooi woorde

Liewe Heer:

Dankie dat U my so voorgetrek het.

Ek sou my seëninge kon tel as hulle net stadiger gekom het.

Maar dankie vir die kroon van U liefdadigheid,

my seuns Sebastian (my koning) en Benjamin (my ster).

En as U dit in U hart kan vind om vir my vrou

‘n beter man te stuur (net nie nou nie),

wat vir haar mooi rose pluk,

belowe ek om ekstra tuinwerk te doen daar Bo.

Dankie vir elke mens en dier wat deur my lewe geloop het.

Ek persoonlik dink dis U forte:  vreemde skepsels.

Kan ek vra dat U my strawwe versigtig sal uitdeel.

Straf my sag vir vloek en luiheid,

maar looi my vir elke geleentheid wat ek nie aangegryp het nie

en die kere wat ek U dans in my ore nie gevoel het nie.

U ken my.

Ek vra U min.

En al gee U nie ‘n jota of tittel meer nie,

Die sterfling hier onder wat U peper met dankies,

is ek,

Steve

 

Ek is nou nie juis 'n Steve-fan nie - MAAR 'n groot fan van sy woorde!  En het hy 'n way with words.  Hy sê iets doodgewoond op so'n ongewone wyse dat jy dit net oor en oor moet lees.  Nee...hy mag maar skryf.

WOORDE

VUL JOU HART MET VREDE.  Voel die wind in jou hare.  Koester jou kleintyd.  Droom en doen.  VUL JOU DAE MET VREDE.  Skep asem vir jou siel.

Doen iets omdat dit vir jou lekker is.  Leef met 'n uitroepteken - nie net met 'n punt, 'n punt, 'n punt nie!  VERLOOR JOU HART IN DIE STOFPAD VAN STILTE, IN KLAPPERBOSSE EN SOET TURKSVYE, IN HORISONNE VAN KAALVOETTYE.

Elizabeth Eybers se gedig: DEESDAE

Die muse skyn my deesdae te vermy.

Niks aan te doen. Geduldig verder gaan.

My kleinseun - vyf en 'n half - en ek verstaan

mekaar.  Laat maar, want jij bent oud sê hy

wanneer ek blyk van onbehendigheid

by die saamstel van 'n speelgoedhyskraan gee.

Hy wil gaan fiets.  Dit reent.  Je hoeft niet mee,

dan wordt je haar zo nat.  Dis geen verwyt.

Die dae wedywer om hom te laat gedy,

elke kontoer word liefderyk afgerond, 

gepoets, albasterglimmend en gesond.

Die dae het iets ander voor met my.

Wat ben je stil vandaag.  Geboë oor

sy lego eis hy meer geselligheid.

Ek sing 'n liedjie uit my kindertyd.

Ben jij vra hy beleef ook lid van het koor?

Hy sê opeens het duurt nog heel heel lang

voor jyj doodgaat - nog meer dan honderd dagen.

Gulheid oorskry sy rekenkunde, skraag en

vertroos ons, maak ons bly en amper bang.

Jak de Priester

Een van die mooiste liedjies wat Jak sing is:

BALLADE VIR 'N REISIGER

Êrens in'n spasie

moet ek my toekoms vind.

Kantoorgebou in Sandton

of Jeffreysbaai se wind..?

In Londen op die treine

kan ek reis van punt tot punt,

maar daar is Maandae liggrys

en jou drome in die wind.

Iewers in die lewe

is daar 'n plekkie in die son.

Ek wens ek het geweet

hoe om daar te kom.

Miskien is dit in China?

Miskien in Swaziland?

Miskien met witvoetsole

in Zanzibar se sand?

Sê my, waar is die pad waarlangs jou toekoms lê?

Sê my, is dit 'n sonde as ek antwoorde wil hê?

Sê my, of jy saam stap waarheen ek ookal gaan?

Sê my, is ons regtig nes die foto's in die raam?

Miskien is dit China?

Miskien is dit Swaziland?

Miskien met wit voetsole

op Vishoek se wit strand?

Die foto het in Leef  tydskrif verskyn.  

Ek het al sy cd's - waarvan 2 deur hom geteken is.

Het al een van sy shows bygewoon en hom persoonlik ontmoet.

Die show was WOW en hy is 'n ongelooflike mens met die mooiste lang vingers!

En ek kort nog net een van sy boeke.

Hy noem my miss mandy,maar dis 'n ander storie......